ਡਾ ਐਸ ਪੀ ਸਿੰਘ ਓਬਰਾਏ ਵੱਲੋਂ ਰਾਹਤ ਕਾਰਜ ਲਗਾਤਾਰ ਜਾਰੀ, ਹੜ੍ਹ ਪ੍ਰਭਾਵਿਤ ਪਿੰਡਾਂ ਵਿੱਚ ਵੰਡੀਆਂ ਰਾਸ਼ਣ ਕਿੱਟਾਂ
ਮੱਖੂ,7 ਅਗਸਤ(ਹਰਜਿੰਦਰ ਸਿੰਘ ਕਤਨਾ)- ਦੁਨੀਆਂ ਦੀ ਸਭ ਤੋਂ ਵੱਡੀ ਅਤੇ ਸੈਲਫ ਫਾਇਨਸ ਸੰਸਥਾ ਸਰਬੱਤ ਦਾ ਭਲਾ ਟਰੱਸਟ ਵੱਲੋਂ ਹੜ੍ਹ ਪ੍ਰਭਾਵਿਤ ਖੇਤਰਾਂ ਵਿੱਚ ਰਾਹਤ ਕਾਰਜ ਲਗਾਤਾਰ ਜਾਰੀ ਹਨ। ਸੰਸਥਾ ਦੇ ਮੁੱਖੀ ਡਾ ਐਸ ਪੀ ਸਿੰਘ ਓਬਰਾਏ ਵੱਲੋਂ ਹੜਾਂ ਦੇ ਸ਼ੁਰੂਆਤ ਤੋਂ ਹੁਣ ਤੱਕ ਲਗਾਤਾਰ ਪਸ਼ੂਆਂ ਲਈ ਚਾਰਾ, ਦਵਾਈਆਂ ਅਤੇ ਹੜ੍ਹਾਂ ਵਿੱਚ ਘਿਰੇ ਲੋਕਾਂ ਲਈ ਸੁੱਕਾ ਅਤੇ ਪੱਕਿਆਂ ਲੰਗਰ ਸਪਲਾਈ ਕੀਤਾ ਜਾ ਰਿਹਾ ਹੈ। ਇਸੇ ਤਰ੍ਹਾਂ ਮੱਖੂ ਖੇਤਰ ਵਿੱਚ ਆਉਂਦੇ ਪਿੰਡ ਮੰਨੂੰ ਮਾਛੀ , ਗੱਟਾ ਦਲੇਲ ਅਤੇ ਜਮਾਲੀ ਵਾਲਾ ਵਿੱਚ ਜਿੱਥੇ ਇਨ੍ਹਾਂ ਪਿੰਡਾ ਦਾ ਸੰਪਰਕ ਦੇਸ਼ ਨਾਲੋਂ ਟੁੱਟ ਚੁੱਕਾ ਹੈ ਅਤੇ ਲੋਕ ਚਾਰੇ ਪਾਸੇ ਤੋਂ ਪਾਣੀ ਵਿੱਚ ਘਿਰੇ ਹੋਏ ਹਨ ਵੱਡੀ ਮਾਤਰਾ ਵਿੱਚ ਪਸ਼ੂ ਚਾਰਾ ਅਤੇ ਰਾਸ਼ਣ ਸਪਲਾਈ ਕੀਤਾ ਜਾ ਰਿਹਾ ਹੈ। ਜਾਣਕਾਰੀ ਦਿੰਦੇ ਸਮੇਂ ਸਰਬੱਤ ਦਾ ਭਲਾ ਟਰੱਸਟ ਦੇ ਜਿਲ੍ਹਾ ਪ੍ਰਧਾਨ ਹਰਜਿੰਦਰ ਸਿੰਘ ਕਤਨਾ, ਇਸਤਰੀ ਵਿੰਗ ਪ੍ਰਧਾਨ ਮੈਡਮ ਅਮਰਜੀਤ ਕੌਰ ਛਾਬੜਾ,ਬਹਾਦਰ ਸਿੰਘ ਭੁੱਲਰ ਅਤੇ ਦਵਿੰਦਰ ਸਿੰਘ ਛਾਬੜਾ ਨੇ ਦੱਸਿਆ ਕਿ ਐਸ ਡੀ ਐਮ ਜੀਰਾ ਸ ਗਗਨਦੀਪ ਸਿੰਘ ,ਪਰਮਪਾਲ ਸਿੰਘ ਨਾਇਬ ਤਹਿਸੀਲਦਾਰ ਮਖੂ,ਗੁਰਜੀਤ ਸਿੰਘ ਰੀਡਰ ਨਾਲ ਮਿਲਕੇ ਕੀਤੇ ਉਪਰਾਲਿਆਂ ਦੇ ਯਤਨ ਸਦਕਾ ਟਰੱਸਟ ਦੇ ਮੁੱਖੀ ਡਾ ਓਬਰਾਏ ਅਤੇ ਕੌਮੀ ਪ੍ਰਧਾਨ ਸ ਜੱਸਾ ਸਿੰਘ ਸੰਧੂ ਵੱਲੋਂ ਜਾਰੀ ਕੀਤੇ ਨਿਰਦੇਸ਼ਾਂ ਤੇ ਇਨ੍ਹਾਂ ਪਿੰਡਾਂ ਵਿੱਚ ਪਹਿਲਾਂ ਚਾਰ ਸੌ ਕੁਵਿੰਟਲ ਪਸ਼ੂਆਂ ਦਾ ਚਾਰਾ ਅਤੇ ਹੁਣ ਸੁੱਕਾ ਰਾਸ਼ਣ ਵੰਡਿਆ ਜਾ ਰਿਹਾ ਹੈ । ਉਨ੍ਹਾਂ ਦੱਸਿਆਂ ਕਿ ਇਸ ਦੇ ਲਈ ਇੱਕ ਕਿੱਟ ਵਿੱਚ ਤੀਹ ਕਿਲੋ ਰਾਸ਼ਣ ਪੈਕ ਕੀਤਾ ਗਿਆ ਜਿਸ ਵਿੱਚ ਆਟਾ,ਦਾਲ ,ਖੰਡ, ਚਾਹ ਪੱਤੀ, ਚਾਵਲ,ਵੜੀਆਂ,ਅਚਾਰ, ਸਰੋਂ ਦਾ ਤੇਲ, ਮੱਛਰਦਾਨੀਆਂ , ਓਡੋਮਾਸ ਅਤੇ ਹੋਰ ਕਈ ਤਰ੍ਹਾਂ ਦਾ ਸਮਾਨ ਹੈ ਲੋਕਾਂ ਵਿੱਚ ਜਾ ਕੇ ਵੰਡਿਆਂ ਜਾ ਰਿਹਾ ਹੈ ਤਾਂ ਕਿ ਪ੍ਰਭਾਵਿਤ ਇਲਾਕਿਆਂ ਦੇ ਲੋਕਾਂ ਨੂੰ ਇਸ ਮੁਸੀਬਤ ਤੋ ਕੁੱਝ ਰਾਹਤ ਮਿਲ ਸਕੇ। ਇਸ ਮੋਕੇ ਬਲਾਕ ਪ੍ਰਧਾਨ ਬਹਾਦਰ ਸਿੰਘ ਭੁੱਲਰ,ਰਣਜੀਤ ਸਿੰਘ ਰਾਏ ਜ਼ੀਰਾ, ਬਲਵਿੰਦਰ ਕੌਰ ਲੋਹਕੇ, ਜਗਸੀਰ ਸਿੰਘ ਜ਼ੀਰਾ,ਬਲਵਿੰਦਰ ਪਾਲ,ਮਨਪ੍ਰੀਤ ਸਿੰਘ, ਜਗਮਿੰਦਰ ਸਿੰਘ ਵਿਰਕ ਸਾਂਝ ਕੇਂਦਰ ਥਾਣਾ ਮਖੂ,ਪਵਨਦੀਪ ਸਿੰਘ,ਹੀਰਾ ਸਿੰਘ, ਭੁਪਿੰਦਰ ਸਿੰਘ,ਪਤਰਸ, ਗੁਰਲਾਲ ਸਿੰਘ, ਗੁਰਜੀਤ ਸਿੰਘ ਸਮੇਤ ਕਈ ਹੋਰ ਪਤਵੰਤੇ ਮੋਜੂਦ ਸਨ।
0 Comments