ਸੀ ਪੀ ਆਈ ਐਮ ਐੱਲ ਲਿਬਰੇਸ਼ਨ ਪੰਜਾਬ ਅਤੇ ਮਜ਼ਦੂਰ ਮੁਕਤੀ ਮੋਰਚਾ ਲਿਬਰੇਸ਼ਨ ਪੰਜਾਬ ਵੱਲੋਂ ਜਿਲ੍ਹਾ ਫਰੀਦਕੋਟ ਵਿੱਚ ਮੀਟਿੰਗ ਕੀਤੀ
ਮਾਨਸਾ 9 ਸਤੰਬਰ ਗੁਰਜੰਟ ਸਿੰਘ ਬਾਜੇਵਾਲੀਆ
ਅੱਜ ਸੀ ਪੀ ਆਈ ਐਮ ਐੱਲ ਲਿਬਰੇਸ਼ਨ ਪੰਜਾਬ ਅਤੇ ਮਜ਼ਦੂਰ ਮੁਕਤੀ ਮੋਰਚਾ ਲਿਬਰੇਸ਼ਨ ਪੰਜਾਬ ਵੱਲੋਂ ਜਿਲ੍ਹਾ ਫਰੀਦਕੋਟ ਵਿੱਚ ਮੀਟਿੰਗ ਕੀਤੀ ਜਿਸ ਵਿੱਚ ਜਿਲ੍ਹਾ ਫਰੀਦਕੋਟ ਦੇ ਜਿਲ੍ਹਾ ਪ੍ਰਧਾਨ ਸਤਨਾਮ ਸਿੰਘ ਪੱਖੀ ਖ਼ੁਰਦ ਅਤੇ ਜਿਲ੍ਹਾ ਆਗੂ ਬਲਜੀਤ ਕੌਰ ਸਿੱਖਾਂਵਾਲਾ, ਪਰਮਜੀਤ ਕੌਰ ਕੋਟਕਪੂਰਾ, ਕੁਲਵਿੰਦਰ ਕੌਰ ਝੋਟੀਵਾਲਾ, ਸਰਬਜੀਤ ਕੌਰ ਹਸਨਭੱਟੀ, ਰਮਨਦੀਪ ਕੌਰ ਢ਼ੀਮਾਵਾਲੀ ਨੂੰ ਮੁੜ ਇਨਕਲਾਬੀ ਪਾਰਟੀ ਸੀ ਪੀ ਆਈ ਐਮ ਐੱਲ ਲਿਬਰੇਸ਼ਨ ਪੰਜਾਬ ਅਤੇ ਮਜ਼ਦੂਰ ਮੁਕਤੀ ਮੋਰਚਾ ਲਿਬਰੇਸ਼ਨ ਪੰਜਾਬ ਵਿੱਚ ਸ਼ਾਮਲ ਕਰਵਾਇਆ।
ਪਾਰਟੀ ਦੇ ਕੇਂਦਰੀ ਆਗੂ ਰਜਵਿੰਦਰ ਸਿੰਘ ਰਾਣਾ, ਮਜ਼ਦੂਰ ਮੁਕਤੀ ਮੋਰਚਾ ਲਿਬਰੇਸ਼ਨ ਪੰਜਾਬ ਦੇ ਸੂਬਾ ਪ੍ਰਧਾਨ ਕਾਮਰੇਡ ਗੋਬਿੰਦ ਸਿੰਘ ਛਾਜਲੀ, ਪੰਜਾਬ ਕਿਸਾਨ ਯੂਨੀਅਨ ਦੇ ਆਗੂ ਪ੍ਰਧਾਨ ਕਾਮਰੇਡ ਰੁਲਦੂ ਸਿੰਘ ਮਾਨਸਾ ਨੇ ਕਿਹਾ ਕਿ ਦੇਸ਼ ਵਿੱਚ ਆਰਐਸਐਸ ਭਾਜਪਾ ਵੱਲੋਂ ਫ਼ਿਰਕੂ ਏਜੰਡੇ ਲਾਗੂ ਕਰਵਾਉਣ ਲਈ ਮਜ਼ਦੂਰ ਅਤੇ ਕਿਸਾਨਾਂ ਵਿੱਚ ਪਾੜਾ ਪਾਉਣ ਦੇ ਮਨਸੂਬੇ ਨਾਲ ਜ਼ਮਹੂਰੀ ਤੇ ਜਨਤਕ ਜਥਬੰਦੀਆਂ ਦੇ ਆਗੂਆਂ ਨੂੰ ਕਈ ਕਿਸਮ ਦੇ ਲਾਲਚ ਦੇਕੇ ਭਾਜਪਾ ਆਰਐਸਐਸ ਦੇ ਦੇਸ਼ ਵਿਰੋਧੀ ਫ਼ਿਰਕੂ ਏਜੰਡੇ ਖਿਲਾਫ਼ ਹੋ ਰਹੀ ਜਨਤਕ ਲਾਮਬੰਦੀ ਨੂੰ ਤੋੜਨ ਅਤੇ ਮਜਦੂਰਾਂ ਕਿਸਾਨਾਂ ਨੂੰ ਆਪਸ ਵਿੱਚ ਲੜਾਉਣ ਦੀਆਂ ਚਾਲਾ ਹਨ ਸਾਨੂੰ ਇਹਨਾਂ ਤੋਂ ਬਚਕੇ ਆਪਣੀ ਸੰਘਰਸ਼ਾਂ ਨੂੰ ਮਜ਼ਬੂਤ ਕਰਨ ਵੱਲ ਵੱਧਣਾ ਚਾਹੀਦਾ ਹੈ। ਦੁਨੀਆਂ ਭਰ ਦੇ ਮਜਦੂਰਾਂ ਵੱਲੋਂ ਲਾਲ਼ ਝੰਡੇ ਦੀ ਅਗਵਾਈ ਹੇਠ ਪੱਕੇ ਰੋਜ਼ਗਾਰ, ਇਲਾਜ਼ ਦੀ ਗਰੰਟੀ, ਕੰਮ ਦੇ ਘੰਟੇ ਘਟਾ ਕੇ ਦਿਹਾੜੀ 1 ਹਜ਼ਾਰ ਰੁਪਏ ਪ੍ਰਤੀ ਦਿਨ ਅਣ ਸਿੱਖਿਅਤ ਦੀ ਮੰਗ ਸਹਿਤ ਨਸ਼ਿਆਂ ਖ਼ਿਲਾਫ਼ ਫ਼ਿਰਕੂ ਏਜੰਡੇ ਨੂੰ ਸਾਂਝੇ ਸੰਘਰਸ਼ਾਂ ਰਾਹੀਂ ਮੂੰਹ ਤੌੜ ਜ਼ਵਾਬ ਦੇਕੇ ਸਵਿਧਾਨ ਅਤੇ ਲੋਕਤੰਤਰ ਨੂੰ ਮਜ਼ਬੂਤ ਕਰਨ ਲਈ ਯੋਜਨਾਬੱਧ ਤਰੀਕੇ ਨਾਲ ਕੰਮ ਕਰਨ ਦੀ ਲੋੜ ਹੈ।
ਜਿਲ੍ਹਾ ਫਰੀਦਕੋਟ ਦੇ ਸਤਨਾਮ ਸਿੰਘ ਪੱਖੀ ਖ਼ੁਰਦ ਨੇ ਕਿਹਾ ਕਿ ਅਸੀਂ ਮੁੱਢ ਤੋਂ ਲਾਲ ਝੰਡੇ ਦੇ ਨਾਲ ਸੀ ਅਤੇ ਅੱਗੇ ਵੀ ਮਜ਼ਦੂਰ ਜਮਾਤ ਦੀ ਮੁਕਤੀ ਦੇ ਲਈ ਅਸੀਂ ਲਾਲ ਝੰਡੇ ਦੀ ਇਨਕਲਾਬੀ ਪਾਰਟੀ ਸੀ ਪੀ ਆਈ ਐਮ ਐੱਲ ਲਿਬਰੇਸ਼ਨ ਪੰਜਾਬ ਦੀ ਅਗਵਾਈ ਹੇਠ ਮਜ਼ਦੂਰ ਮੁਕਤੀ ਮੋਰਚਾ ਲਿਬਰੇਸ਼ਨ ਪੰਜਾਬ ਵਿੱਚ ਕੰਮ ਕਰਾਂਗਾ ਨਾਲ ਹੀ ਮੈਂ ਹੋਰ ਮਜ਼ਦੂਰ ਆਗੂਆਂ ਅਤੇ ਮਜਦੂਰਾਂ ਨੂੰ ਅਪੀਲ਼ ਕਰਦਾ ਹਾਂ ਕਿ ਕਿਸੇ ਝਾਂਸੇ ਵਿੱਚ ਨਾ ਆਓ ਗੁੰਮਰਾਹ ਨਾ ਹੋਵੋ ਮਜਦੂਰਾਂ ਦੀ ਮੁਕਤੀ ਅਤੇ ਹੱਕ਼ ਅਧਿਕਾਰਾਂ ਲਈ ਸਿਰਫ਼ ਤੇ ਸਿਰਫ਼ ਲਾਲ਼ ਝੰਡਾ ਹੀ ਲੜਾਈ ਲੜ ਸਕਦਾ ਹੈ ਇਸ ਲਈ ਸਾਨੂ ਆਪਣੀ ਧਿਰ ਮਜ਼ਬੂਤ ਕਰਦੇ ਹੋਏ ਲਾਲ ਝੰਡੇ ਨੂੰ ਬੁਲੰਦ ਕਰਨ ਲਈ ਅੱਗੇ ਆਓ ।
ਇਸ ਤੋਂ ਇਲਾਵਾ ਮਜ਼ਦੂਰ ਮੁਕਤੀ ਮੋਰਚਾ ਲਿਬਰੇਸ਼ਨ ਪੰਜਾਬ ਦੇ ਸੂਬਾ ਮੀਤ ਪ੍ਰਧਾਨ ਵਿਜੈ ਕੁਮਾਰ ਭੀਖੀ, ਸੂਬਾ ਸਕੱਤਰ ਗੁਰਪ੍ਰੀਤ ਸਿੰਘ ਰੂੜੇਕੇ,ਪੰਜਾਬ ਕਿਸਾਨ ਯੂਨੀਅਨ ਦੇ ਸੂਬਾ ਸਕੱਤਰ ਗੁਰਨਾਮ ਸਿੰਘ ਭੀਖੀ, ਪੰਜਾਬ ਕਿਸਾਨ ਯੂਨੀਅਨ ਜਿਲ੍ਹਾ ਫ਼ਰੀਦਕੋਟ ਦੇ ਪ੍ਰਧਾਨ ਗੁਰਜੀਤ ਸਿੰਘ ਜੈਤੋ, ਜਿਲ੍ਹਾ ਸੰਗਰੂਰ ਆਗੂ ਕੁਲਵੰਤ ਸਿੰਘ ਛਾਜਲੀ ਨੇ ਵੀ ਸੰਬੋਧਨ ਕੀਤਾ।
0 Comments